Роман Скляр «Нұр Жолы» өткізу бекетінде: шекара инфрақұрылымы жаңғыртылады
Қазақстан Республикасы Премьер-министрінің бірінші орынбасары Роман Скляр жұмыс сапарымен Қазақстан мен Қытай арасындағы «Нұр Жолы» автокөлік өткізу бекетінде болды. Бұл іс-шара Мемлекет басшысының шекара маңындағы инфрақұрылымды жаңғырту және логистикалық бағыттардың тиімділігін арттыру жөніндегі тапсырмаларын жүзеге асыру аясында ұйымдастырылды, деп хабарлайды kznews.kz.
Сапар барысында Роман Скляр өткізу бекетінің инфрақұрылымымен және өндірістік қызметімен танысып, рәсімдердің цифрландырылу барысын, өткізу қабілетін арттыру шараларын, сондай-ақ жүк тасымалының ашықтығы мен үздіксіздігін қамтамасыз ету мәселелерін қарастырды.
Тексеру нәтижесінде ол жауапты мемлекеттік органдарға ведомствоаралық үйлестіруді күшейту, өткізу бекеттерін жаңғырту жұмыстарын жеделдету, санитарлық-бақылау талаптарын сақтай отырып жүктерді уақытылы өңдеуді қамтамасыз ету, сондай-ақ процестердің тиімділігін арттыру үшін заманауи IT-шешімдерді енгізу жөнінде бірқатар нақты тапсырма берді.
Қытаймен белсенді экономикалық ынтымақтастық жағдайында бұл өткізу бекеттерінің экспорттық-импорттық операцияларды тұрақты дамыту және еліміздің транзиттік әлеуетін арттырудағы стратегиялық рөлі ерекше атап өтілді. Үкімет бұл тапсырмалардың орындалуын тұрақты бақылауда ұстайтын болады.
фото: primeminister.kz
